મુંબઈ : પહેલગામ-કાશ્મીરમાં નિર્દોષ ભારતીયો પર આતંકવાદી હુમલાનો ભારતીય સૈન્યએ અપેક્ષિત જડબાતોડ જવાબ આપીને ૯ આતંકવાદી મથકો ધ્વસ્ત કર્યા બાદ પાકિસ્તાનને એર ડિફેન્સ સિસ્ટમને તોડી પાડીને પાકિસ્તાનના વિવિધ શહેરોમાં ડ્રોન હુમલા કરતાં બન્ને દેશો વચ્ચે જવાબી હુમલા પૂર્ણ યુદ્વમાં પરિણમવાનું ટેન્શન ઊભું થતાં આજે ભારતીય શેર બજારોમાં સાવચેતીમાં ફંડો, રિટેલ ઈન્વેસ્ટરોએ ઓવરબોટ પોઝિશન હળવી કરી હતી. ઓટોમોબાઈલ, ઓઈલ-ગેસ, હેલ્થકેર-ફાર્મા, કન્ઝયુમર ડયુરેબલ્સ, કેપિટલ ગુડઝ શેરોમાં હેમરીંગ કરાયું હતું. માત્ર આઈટી-સોફ્ટવેર સર્વિસિઝ શેરોમાં સિલેક્ટિવ ખરીદી રહી હતી. સેન્સેક્સ ૪૧૧.૯૭ પોઈન્ટ તૂટીને ૮૦૩૩૪.૮૧ અને નિફટી સ્પોટ ૧૪૦.૬૦ પોઈન્ટ ગબડીને ૨૪૪૧૪.૪૦ની સપાટીએ આવી ગયા હતા. નિફટી ૫૦ શેરો પૈકી માત્ર પાંચ શેરો પોઝિટીવ રહ્યા હતા.
નિફટી ૫૦ પૈકી માત્ર પાંચ શેરો પોઝિટીવ
નિફટી ૫૦ શેરો પૈકી આજે પાંચ શેરો પોઝિટીવ રહ્યા હતા. જેમાં એક્સિસ બેંક રૂ.૮.૭૦ વધીને રૂ.૧૧૭૦, એચસીએલ ટેકનોલોજી રૂ.૮.૮૦ વધીને રૂ.૧૫૭૨.૧૦, કોટક મહિન્દ્રા બેંક રૂ.૧૧.૩૦ વધીને રૂ.૨૧૦૬.૨૦, ટાઈટન રૂ.૬.૧૦ વધીને રૂ.૩૩૪૫, ટાટા મોટર્સ ૧૦ પૈસા વધીને રૂ.૬૮૦.૪૦ રહ્યા હતા.
ઓટો ઈન્ડેક્સ ૯૫૬ પોઈન્ટ ગબડયો
ઓટોમોબાઈલ શેરોમાં આજે ફરી સાવચેતીમાં ફંડોએ તેજીનો વેપાર ખંખેરતા કડાકો બોલાયો હતો. મહિન્દ્રા એન્ડ મહિન્દ્રા રૂ.૮૯.૦૫ ઘટીને રૂ.૩૦૩૦.૮૦, આઈશર મોટર્સ રૂ.૧૧૧.૫૫ તૂટીને રૂ.૫૩૭૩.૪૫, મારૂતી સુઝુકી રૂ.૨૩૮.૮૦ તૂટીને રૂ.૧૨,૩૯૦.૩૫, બોશ રૂ.૫૪૩.૯૫ તૂટીને રૂ.૨૯,૯૫૭.૮૫, હીરો મોટોકોર્પ રૂ.૬૫.૫૫ ઘટીને રૂ.૩૮૦૨.૪૦ રહ્યા હતા. બીએસઈ ઓટો ઈન્ડેક્સ ૯૯૫.૫૬ પોઈન્ટ તૂટીને ૫૦૭૯૧.૯૫ બંધ રહ્યો હતો.
હેલ્થકેર ઈન્ડેક્સ ૬૯૨ તૂટયો
ફાર્માસ્યુટિકલ્સ-હેલ્થકેર શેરોમાં આજે ફંડોએ મોટાપાયે હેમરીંગ કરતાં ગાબડાં પડયા હતા. બીએસઈ હેલ્થકેર ઈન્ડેક્સ ૬૯૧.૯૧ પોઈન્ટ તૂટીને ૪૧૨૮૭.૯૪ બંધ રહ્યો હતો. ગુજરાત થેમીસ રૂ.૧૦.૬૫ તૂટીને રૂ.૨૬૪.૩૫, ગ્લેક્સો ફાર્મા રૂ.૧૦૬.૬૫ તૂટીને રૂ.૨૭૪૦.૯૫, પિરામલ ફાર્મા રૂ.૭.૬૫ તૂટીને રૂ.૨૦૬, મેક્સ હેલ્થ રૂ.૪૧.૧૦ તૂટીને રૂ.૧૧૧૦.૩૦, બાયોકોન રૂ.૧૨ ઘટીને રૂ.૩૩૪.૬૦, ટોરન્ટ ફાર્મા રૂ.૧૦૬.૯૦ તૂટીને રૂ.૩૧૮૩, ઓરોબિન્દો ફાર્મા રૂ.૩૮.૭૫ ઘટીને રૂ.૧૧૫૮.૩૦, લુપીન રૂ.૫૭.૧૫ ઘટીને રૂ.૨૦૧૩.૮૦ રહ્યા હતા.
કેપિટલ ગુડઝ ઈન્ડેક્સ ૫૬૩ પોઈન્ટ ગબડયો
કેપિટલ ગુડઝ શેરોમાં પણ ફંડોએ સાવચેતીમાં તેજીનો વેપાર હળવો કર્યો હતો. ભેલ રૂ.૭.૭૫ ઘટીને રૂ.૨૧૭.૩૫, કેઈન્સ રૂ.૧૮૫.૯૦ તૂટીને રૂ.૫૬૫૭.૫૫, આરવીએનએલ રૂ.૯.૫૦ ઘટીને રૂ.૩૩૧.૩૫, થર્મેક્સ રૂ.૭૭.૬૦ ઘટીને રૂ.૩૧૫૬.૭૦ રહ્યા હતા.બીએસઈ કેપિટલ ગુડઝ ઈન્ડેક્સ ૫૬૩.૩૭ પોઈન્ટ તૂટીને ૬૧૮૨૦.૬૩ બંધ રહ્યો હતો.
ફંડો આઈટી શેરોમાં લેવાલ
સુરક્ષિત રોકાણ વિકલ્પે આજે ફંડોએ આઈટી-સોફ્ટવેર સર્વિસિઝ, ટેકનોલોજી શેરોમાં વેલ્યુબાઈંગ કર્યું હતું. નેટવેબ રૂ.૭૯.૧૦ વધીને રૂ.૧૬૩૨.૫૫, ઝેગલ રૂ.૧૪.૪૫ વધીને રૂ.૩૩૯.૩૦, ઈન્ટેલેક્ટ રૂ.૩૦.૮૦ વધીને રૂ.૮૪૪.૩૫, ઝેનસાર ટેકનોલોજી રૂ.૨૧.૬૦ વધીને રૂ.૭૨૦.૮૫, આઈકેએસ રૂ.૪૧.૫૦ વધીને રૂ.૧૪૯૮, કોફોર્જ રૂ.૧૬૫.૦૫ વધીને રૂ.૭૭૬૩.૫૦, માસ્ટેક રૂ.૪૩.૪૫ વધીને રૂ.૨૧૩૭.૨૦, એલટીઆઈ માઈન્ડટ્રી રૂ.૪૨.૯૫ વધીને રૂ.૪૬૦૧.૩૦ રહ્યા હતા.
સ્મોલ, મિડ કેપ શેરોમાં ફરી ધોવાણ
સ્મોલ, મિડ કેપ શેરોમાં આજે ફરી વ્યાપક ગાબડાં પડતા અનેક શેરો નેગેટીવ ઝોનમાં આવી જતાં માર્કેટબ્રેડથ નેગેટીવ બની હતી. બીએસઈમાં કુલ ટ્રેડીંગ થયેલી ૪૦૩૨ સ્ક્રિપોમાંથી વધનારની સંખ્યા ૧૩૩૫ અને ઘટનારની સંખ્યા ૨૫૭૦ રહી હતી.
DIIની રૂ.૫૯૬ કરોડની ચોખ્ખી વેચવાલી
ફોરેન પોર્ટફોલિયો ઈન્વેસ્ટરો (એફપીઆઈઝ), એફઆઈઆઈઝની આજે ગુરૂવારે શેરોમાં કેશમાં વધુ રૂ.૨૦૦૭.૯૬ કરોડના શેરોની ચોખ્ખી ખરીદી કરી હતી. જ્યારે સ્થાનિક સંસ્થાકીય રોકાણકારો (ડીઆઈઆઈઝ)ની આજે રૂ.૫૯૬.૨૫ કરોડની ચોખ્ખી વેચવાલી રહી હતી.
રોકાણકારોની સંપતિ રૂ.પાંચ લાખ કરોડ ઘટી
સ્મોલ, મિડ કેપ શેરોમાં વ્યાપક ગાબડાં પડયા સાથે એ ગુ્રપના પણ ઘણા શેરોમાં વેચવાલી નીકળતાં રોકાણકારોની એક્ત્રિત સંપતિ એટલે કે બીએસઈમાં લિસ્ટેડ કંપનીઓનું એક્ત્રિત માર્કેટ કેપિટલાઈઝેશન પણ આજે રૂ.પાંચ લાખ કરોડ ધોવાઈને રૂ.૪૧૮.૫૦ લાખ કરોડ રહ્યું હતું.
