મુંબઈ : ઊંચા મથાળે પ્રોફિટ બુકિંગ આવતા સેન્સેકસમાં સતત ત્રણ દિવસના સુધારાને બ્રેક લાગી હતી. જ્યારે નિફટી ૫૦માં સાધારણ સુધારો જોવા મળ્યો હતો.અમેરિકા-ભારત વચ્ચે થયેલા વેપાર કરારને બજાર પોઝિટિવ માની રહ્યું છે પરંતુ તેના વિધિસરના અમલીકરણને લઈને અનિશ્ચિતતા તથા રશિયાના ક્રુડ તેલની ખરીદી અટકાવી દેવાના અને કૃષિ બજારો ખોલી દેવા જેવી બાબતો સામે ઘરઆંગણે રાજકીય પડકારો ઊભા થઈ શકે છે તેવી ગણતરીએ બજારમાં સાવચેતીનું વાતાવરણ જોવાઈ રહ્યું છે. વિદેશી રોકાણકારોની ખરીદી પણ ધીમી ધારે જોવા મળી રહી છે. આ ઉપરાંત ભારતના હરિફ બાંગલાદેશ પરના ટેરિફને ઘટાડી ૧૯ ટકા કરવાના નિર્ણય જેવી ટ્રમ્પની અનિશ્ચિત નીતિઓને જોતા રોકાણકારો સાવધાની વર્તી રહ્યા છે. સતત ત્રણ સત્રના સુધારા બાદ બીએસઈ સેન્સેકસ બુધવારે ઉપરમાં ૮૪૪૮૭.૩૪ અને નીચામાં ૮૪૦૮૧.૨૫ રહી છેવટે ૪૦.૨૮ ઘટી ૮૪૨૩૩.૬૪ બંધ રહ્યો હતો. નિફટી૫૦ ઈન્ડેકસ ઉપરમાં ૨૬૦૦૦ની સપાટી પાર કરી ઉપરમાં ૨૬૦૦૯.૪૦ તથા નીચામાં ૨૫૮૯૯.૮૦ થઈ છેવટે ૧૮.૭૦ વધી ૨૫૯૫૩.૮૫ બંધ રહ્યો હતો. બીએસઈ પર માર્કેટ બ્રેડથ નેગેટિવ રહી હતી. ૧૯૭૧ શેરોના ભાવ વધ્યા હતા જ્યારે ૨૨૪૮ના ભાવ ઘટયા હતા. ૧૭૨ શેરોના ભાવ ફેરફાર વિનાના રહ્યા હતા.
બાંગ્લાદેશના ગારમેન્ટ પ્રોડકટસ પર શૂન્ય ડયૂટીની દરખાસ્તથી ટેકસટાઈલ શેરોમાં ધોવાણ ચાલુ
અમેરિકામાં બજાર ધરાવતી ટેકસટાઈલ તથા રેડીમેડ ગારમેન્ટ ક્ષેત્રની કંપનીઓમાં બુધવારે સતત બીજા દિવસે ધોવાણ ચાલુ રહ્યું હતુું. રેડીમેડ ગારમેન્ટમાં ભારતના કટ્ટર હરિફ બાંગલાદેશના ચોક્કસ ગારમેન્ટ પર શૂન્ય ટકા ટેરિફની અમેરિકાની ઓફરના અહેવાલે ટેકસટાઈલ શેરોમાં સતત વેચવાલી ચાલુ રહી હતી. સોમવારે આવેલો સુધારો ધોવાઈ ગયો હતો. સનાતન ટેકસ. એનએસઈ પર રૂપિયા ૬.૭૫ ઘટી રૂપિયા ૪૧૮.૨૩, કીટેકસ ગારમેન્ટસ રૂપિયા ૧૦.૬૩ ઘટી રૂપિયા ૧૯૦.૭૬, અરવિંદ રૂપિયા ૯.૭૦ ઘટી રૂપિયા ૩૫૯.૦૦, વર્ધમાન ટેકસ. રૂપિયા ૯.૩૦ ઘટી રૂપિયા ૪૭૮.૮૦, આલોક ઈન્ડ. રૂપિયા ૦.૩૨ ઘટી રૂપિયા ૧૫.૮૨ રહ્યો હતો.
એઆઈ સંબંિાૃધત અહેવાલોની અસરાૃથી નિફટી આઈટી ઈન્ડેકસ ૬૨૭ પોઈન્ટ ઘટી ૩૫૦૯૫ બંધ
વૈશ્વિક સ્તરે એઆઈને લગતા અહેવાલો તથા ભારતમાં એઆઈ સામગ્રી સંબંધિત નિયમોને સખત બનાવવાના સરકારના નિર્ણયને કારણે ઈનફરમેશન ટેકનોલોજી (આઈટી) ક્ષેત્રમાં રોકાણકારોનું માનસ ખરડાયું હતું અને એઆઈને કારણે આઈટી ક્ષેત્ર સામે જોખમ ઊભા થવાની ચિંતાએ આઈટી શેરોમાં ભારે વેચવાલી જોવા મળી હતી. ટીસીએસ રૂપિયા ૭૪.૮૦ ઘટી રૂપિયા ૨૯૦૯.૮૦, ઈન્ફોસિસ રૂપિયા ૨૫.૯૦ ઘટી રૂપિયા ૧૪૭૧.૯૦, એચસીએલ ટેક રૂપિયા ૨૧.૫૦ ઘટી રૂપિયા ૧૫૫૧.૬૦, વિપ્રો રૂપિયા ૧.૬૬ ઘટી ૨૨૯.૮૧ બંધ રહ્યો હતો. નિફટી આઈટી ઈન્ડેકસમાંના દરેક શેરો ઘટાડે બંધ જોવા મળ્યા હતા.
તંદૂરસ્ત બિઝનેસ આઉટલુક તાૃથા રિટેલ વેચાણ આંક મજબૂત આવતા ઓટો શેરોમાં આકર્ષણ
જાન્યુઆરીના ઓટો રિેટલ વેચાણ આંક મજબૂત આવતા તથા ઓટો ક્ષેત્રનું ભાવિ તંદૂરસ્ત હોવાના સંકેતોએ ઓટો કંપનીના શેરોમાં લેવાલીથી ભાવ ઊંચકાયા હતા. ટીવીએસ મોટર એનએસઈ પર રૂપિયા ૧૦૨.૭૦ વધી રૂપિયા ૩૮૬૫.૧૦, ટીએમપીવી રૂપિયા ૫.૩૫ વધી રૂપિયા ૩૮૪.૭૦, મધરસન રૂપિયા ૦.૭૪ વધી રૂપિયા ૧૩૦.૧૭, ભારત ફોર્જ રૂપિયા ૬૨.૪૦ વધી રૂપિયા ૧૬૭૬.૪૦ બંધ રહ્યો હતો. ડિસેમ્બર ત્રિમાસિક પરિણામ વચ્ચે અશોક લેલેન્ડરૂપિયા ૩.૩૮ ઘટી રૂપિયા ૨૦૬.૩૫ બંધ રહ્યો હતો.
ફાર્મા શેરોમાં આકર્ષણ: ઓરોબિન્દો ફાર્મા, ઝાયડસ લેબ્સ, ડો. રેડ્ડીસ, બાયોકોન સનફાર્મામાં સુાૃધારો
ભારતના ફાર્મા ક્ષેત્ર માટે અમેરિકામાં સારી બજાર ઊભી થવાના આશાવાદે ફાર્મા શેરોમાં આકર્ષણ જોવા મળી રહ્યું છે. લૌરસ લેબ્સ રૂપિયા ૪૭.૩૦ વધી રૂપિયા ૧૦૧૩.૬૫, ઓરોબિન્દો ફાર્મા રૂપિયા ૨૨.૫૦ વધી રૂપિયા ૧૧૪૬.૬૦, ગ્લેનમાર્ક રૂપિયા ૫૭.૨૦ વધી રૂપિયા ૨૦૧૫.૨૦, ઝાયડસ લાઈફ રૂપિયા ૧૧.૦૦ વધી રૂપિયા ૮૯૮.૩૦, ડો. રેડ્ડીસ લેબ્સ રૂપિયા ૧૪.૩૦ વધી રૂપિયા ૧૨૭૦.૩૦ , સન ફાર્મા રૂપિયા ૩.૩૦ વધી રૂપિયા ૧૭૧૧.૧૦ તથા બાયોકોન રૂપિયા ૪.૧૫ વધી રૂપિયા ૩૭૫.૨૦ બંધ રહ્યો હતો.જેબી કેમિકલ્સ રૂપિયા ૨૮.૩૦ ઘટી રૂપિયા ૧૮૯૪.૮૦ તથા ગ્રેન્યુલ્સ રૂપિયા ૨.૧૫ ઘટી રૂપિયા ૫૭૮.૮૫ બંધ રહ્યો હતો.
એફઆઈઆઈની કેશમાં રૂ.૯૪૩.૮૧કરોડની ખરીદી જ્યારે ડીઆઈઆઈની રૂ. ૧૨૫ કરોડની વેચવાલી
બુધવારે એફઆઈઆઈની ભારતીય બજારમાં રૂપિયા ૧૬૮૫૮.૬૩ કરોડની લેવાલી સામે રૂપિયા ૧૫૯૧૪.૮૨ કરોડની વેચવાલી સાથે રૂપિયા ૯૪૩.૮૧ કરોડની નેટ લેવાલી રહી હતી. બીજી બાજુ ડીઆઈઆઈની રૂપિયા ૧૪૨૮૧.૨૬ કરોડની લેવાલી સામે રૂપિયા ૧૪૪૦૬.૬૨ કરોડની વેચવાલી સાથે નેટ રૂપિયા ૧૨૫.૩૬ કરોડની વેચવાલી રહી હતી. વર્તમાન મહિનામાં એફઆઈઆઈ દ્વારા ભારતીય બજારમાં સતત માલ ઘરભેગો કરાઈ રહ્યો છે.
