મુંબઈ : અમેરિકી રાષ્ટ્રપતિ ડોનાલ્ડ ટ્રમ્પ છાશવારે રંગ બદલતા હોઈ તેમના પર પૂરા વિશ્વને વિશ્વાસ નહીં હોઈ અને હવે ઈરાને પણ પ્રથમ મંત્રણાના દોર બાદ ટ્રમ્પ-અમેરિકાના હોર્મુઝ સ્ટ્રેટને ઈરાનના બંદરો પરથી વહન થતાં વાહનો માટે બ્લોક કરતાં અને કાર્ગો શીપને જપ્ત કરતાં ઈરાને મંત્રણાના બીજા દોરમાં જોડાવાનો ઈન્કાર કરી દેતાં મામલો ફરી બિચક્યો છે. આ બદલાયેલી પરિસ્થિતિએ વૈશ્વિક બજારોમાં આજે ફરી ગૂંગળામણ અનુભવાઈ હતી. ઈરાને પણ તેના કાર્ગો શીપને અમેરિકા દ્વારા જપ્ત કરાયા સામે ટૂંક સમયમાં કાર્યવાહી કરવાનો પડકાર આપતાં ફરી હોર્મુઝ માર્ગે ક્રુડ ઓઈલ, એલપીજી સહિતનું વહન અવરોધાવાના સંકેતે વિશ્વ બજારમાં ક્રુડ ઓઈલના ભાવ ફરી પાંચથી છ ટકા વધી આવતાં વૈશ્વિક શેર બજારોમાં નરમાઈ જોવાઈ હતી. શેરોમાં આજે આરંભમાં કેપિટલ ગુડઝ, ઓટો, કન્ઝયુમર ડયુરેબલ્સ સહિતમાં તેજીએ એક સમયે સેન્સેક્સ ૪૪૮.૯૧ પોઈન્ટ વધીને ૭૮૯૪૨.૪૫ સુધી પહોંચ્યો હતો.
