મુંબઈ : મુંબઈ ઝવેરી બજારમાં આજે સોના-ચાંદીના ભાવમાં ઘટાડો જોવા મળ્યો હતો. નવી માગ ધીમી હતી. વિશ્વ બજારના સમાચાર નિરુત્સાહી હ૭તા. વૈશ્વિક સોનાના ભાવ ઔંશના ૩૩૧૨થી ૩૩૧૩ વાળા ઉંચામાં ૩૩૨૨ થયા પછી ભાવ નીચામાં ૩૨૮૩ થઈ ૩૨૯૯થી ૩૩૦૦ ડોલર રહ્યા હતા. વૈશ્વિક સોનામાં ઉછાળે ફંડોનું સેલીંગ જોવા મળ્યું હતું. મુંબઈઆ બુલિયન બજારમાં આજે જીએસટી વગર સોનાના ભાવ ૧૦ ગ્રામના ૯૯૫ના રૂ.૯૫૧૪૩ વાળા રૂ.૯૪૯૭૩ રહ્યા હતા. જ્યારે ૯૯૯ના ભાવ રૂ.૯૫૫૨૫ વાળા રૂ.૯૫૩૫૫ રહ્યા હતા.
મુંબઈ ચાંદીના ભાવ કિલોદીઠ જીએસટી વગર રૂ.૯૮૧૦૦ વાળા રૂ.૯૭૧૦૦ થઈ છેલ્લે બંધ ભાવ રૂ.૯૭૪૫૮ રહ્યા હતા. મુંબઈ સોના-ચાંદીમાં જીએસટીસાથેના ભાવ આ ભાવથી ૩ ટકા ઉંચા રહ્યા હતા.વૈશ્વિક ચાંદીના ભાવ ઔંશના ૩૩.૨૭થી ૩૩.૨૮ વાળા ઉંચામાં ૩૩.૩૪ તથા નીચામાં ભાવ ૩૨.૯૪ થઈ ૩૩.૨૭થી ૩૩.૨૮ ડોલર રહ્યા હતા. વૈશ્વિક પ્લેટીનમના ભાવ ઉંચામાં રૂ.૧૦૮૮ તથા નીચામાં ૧૦૬૮ થઈ ૧૦૬૯થી ૧૦૭૦ ડોલર રહ્યા હતા.
પેલેડીયમના ભાવ ઉંચામાં ૯૭૮ તથા નીચામાં ૯૬૫ થઈ ૯૬૭થી ૯૬૮ ડો લર રહ્યા હતા. વૈશ્વિક કોપરના ભાવ આજે ૦.૩૬ ટકા પ્લસમાં રહ્યા હતા. વિશ્વ બજારમાં ક્રૂડતેલના ભાવમાં ઘટાડો દેખાયો હતો. બ્રેન્ટ ક્રૂડના ભાવ બેરલના ૬૪.૬૧ વાળા નીચામાં ૬૩.૭૨ થઈ ૬૩.૮૭ ડોલર રહ્યા હતા. યુએસ ક્રૂડના ભાવ ઘટી ૬૦.૧૪ થઈ ૬૦.૪૫ ડોલર રહ્યા હતા.
ઓપેકના દેશો ઉત્પાદન વધારશે એવી શક્યતા વિશ્વ બજારમાં ચર્ચાઈ રહી હતી. ચીને ટ્રેડ કરારનો ભંગ કર્યો હોવાનો આક્ષેપ અમેરિકાના પ્રમુખ ટ્રમ્પે કરતાં તથા ટેરીફ નિતી છાશવારે બદલાતી રહેતાં વિશ્વ બજારોમાં અજંપો વધ્યાની ચર્ચા હતી. દરમિયાન, અમદાવાદ બજારમાં આજે સોનાના ભાવ ૯૯૫ના રૂ.૯૮૧૦૦ તથા ૯૯૯ના રૂ.૯૮૪૦૦ રહ્યા હતા. જ્યારે અમદાવાદ ચાંદીના ભાવ રૂ.૯૭ હજાર રહ્યા હતા.
દરમિયાન, જાપાનનું આશરે ૧૧૦૦ ટન સોનું અમંરિકામાં ન્યુયોર્ક ખાતે પડયું છે અમેરિકાના પ્રમુખ ટ્રમ્પની છાશવારે બદલાતી વેપાર નીતિના પગલે ન્યુયોર્કમાં પડેલું આ સોનું ફરી જર્મનીમાં પાછું મંગાવી લેવું એવી વાતચીત જર્મનીમાં શરૂ થયાના સમાચાર મળ્યા હતા. દરમિયાન, ભારતના ઝવેરી બજારોમાં સોનામાં ઈમ્પોર્ટ કોસ્ટ સામે બજાર ભાવમાં ઔંશદીઠ ડિસ્કાઉન્ટ ૪૯ ડોલરથી ઘટી ૩૧ ડોલર થયા છે જ્યારે હોંગકોંગના ઝવેરી બજારમાં ડિસ્કાઉન્ટના બદલે સોનામાં ૦.૩૦થી ૧.૩૦ ડોલર સુધીના ઔંશદીઠ પ્રીમિયમો બોલાઈ રહ્યાના સમાચાર મળ્યા હતા.
