– લદ્દાખમાં સતત ત્રીજા દિવસે કરફ્યૂ, ઈન્ટરનેટ પર પ્રતિબંધ યથાવત્
– વાંગચૂકને લદાખની બહાર અજ્ઞાત સ્થળે લઈ જવાયા, તેમના પર યુવાનોને હિંસા માટે ઉશ્કેરવા સહિતના આરોપો
નવી દિલ્હી : લદ્દાખને રાજ્યનો દરજ્જો આપવા સહિતની માગો સાથે પર્યાવરણવીદ સોનમ વાંગચુકના નેતૃત્વમાં ચાલી રહેલું આંદોલન બુધવારે હિંસક બની ગયું હતું. આ ઘટનામાં પોલીસે શુક્રવારે આકરું પગલું લેતાં સોનમ વાંગચુકની ધરપકડ કરી છે. બીજીબાજુ બુધવારે હિંસક બનેલા આંદોલન પછી લેહ, લદ્દાખ અને કારગીલમાં શુક્રવારે પણ કરફ્યૂ યથાવત્ રખાયો છે, ઈન્ટરનેટ સેવા બંધ છે. લદ્દાખમાં ભારે ઉપદ્રવ પછી તણાવપૂર્ણ શાંતિ છે ત્યારે કેન્દ્ર સરકારે હવે આ મુદ્દે ચર્ચા કરવા દિલ્હીથી એક દૂત મોકલ્યો છે.
