અમદાવાદ, બુધવાર
ઇસનપુરમાં રહેતી ્મહિલા પ્રોફેસરને પ્રેમલગ્ન કરવાનું ભારે પડયું હોવાનો કિસ્સો પ્રકાશમાં આવ્યો છે. આરોપીએ પ્રથમ લગ્ન છૂપાવીને મહિલા સાથે બીજા લગ્ન કર્યા હતા આરોપી ભાડાના મકાન બંદલીને બન્ને મહિલાને ઉલ્લુ બનાવતો હતો. પ્રથમ પત્નીએ આવીને મહિલાને તેં મારો પતિ છીનવી લીધો કહીને તેની સાથે લગ્નના પુરાવા બતાવતાં બીજા લગ્નનો ભાંડો ફૂટયો હતો. તેમ છતાં પ્રથમ પત્નીને છૂટાછેડા આપવાની વાત કરીને મહિલાને વિશ્વાસમાં લઇને તેના ક્રેડિટ કાર્ડમાંથી રૃા.૮.૫૫ મેળવીને છેતરપીંડી કરી હતી. આ બનાવ અંગે ઇસનપુર પોલીસે ગુનો નોંધી વધુ તપાસ હાથ ધરી છે.
પ્રથમ પત્નીએ આવીને તેં મારા પતિને છીનવી લીધો કહેતા ભાંડો ફૂટયો, મહિલાની જાણ બહાર ક્રેડિટ કાર્ડથી રૃા. ૮.૫૫ લાખ રૃપિયા મેળવ્યા
ઇસનપુરમાં રહેતી મહિલા પ્રોફેસરે ઇસનપુર પોલીસ સ્ટેશનમાં કૃષ્ણનગરમાં રહેતા વિશાલ સામે ફરિયાદ નોંધાવી છે કે સોશિયલ મિડિયાના માધ્યમથી મહિલા અને યુવકનો ૨૦૧૮માં સંપર્ક થયો હતો ત્યારબાદ બન્ને વચ્ચે પ્રેમ સંંબંધ થતાં વર્ષ પછી બન્ન્નેએ પ્રેમલગ્ન કર્યા હતા. મહિલા તેના પિયરમાં રહેતી અને આરોપી ભાડે મકાન રાખીને રહેતો હતો અને અવાર નવાર મકાન બદલતો હતો.
ચાર વર્ષ પહેલા એક મંહિલા ફરિયાદી મહિલાના ઘરે આવી હતી અને તેણે ૨૦૧૧માં તેની સાથે લગ્ન ર્ક્યા હોવાના પુરાવા બતાવીને તેં મારા પતિને છીનવી લીધો હોવાનો આક્ષેપ કર્યો હતો જેના લીધે બીજા લગ્નની જાણ થઇ હતી. ત્યારબાદ આરોપીએ પ્રથમ પત્નીને છૂટાછેડા આપવાની વાત કરી અને મહિલાને વિશ્વાસમાં લઇને તેના ક્રેડિટ કાર્ડમાંથી રૃા.૮.૫૫ મેળવીને છેતરપીંડી કરી હતી.
