Uttar Pradesh Politics News : ઉત્તર પ્રદેશમાં 2027માં યોજાનારી વિધાનસભા ચૂંટણી પહેલા કોંગ્રેસે પોતાની નવી ટીમ તૈયાર કરી લીધી છે. કોંગ્રેસે આજે (20 માર્ચ) રાજ્યના તમામ 75 જિલ્લા અધ્યક્ષોની જાહેરાત કરી છે. આ સાથે પાર્ટીએ મહાનગર અધ્યક્ષના નામની પણ જાહેરાત કરી છે.
કોંગ્રેસે ‘એક્સ’ પર આપી માહિતી
કોંગ્રેસે એક્સ હેન્ડલ પર પોસ્ટ કરીને કહ્યું છે કે, ‘કોંગ્રેસ અધ્યક્ષે ઉત્તર પ્રદેશ કોંગ્રેસ સમિતિની જિલ્લા અને શહેર કોંગ્રેસ સમિતિઓના પ્રમુખોની નિમણૂક માટે જોડાયેલ પ્રસ્તાવને તાત્કાલિક અસરથી મંજૂરી આપી દીધી છે.’
પ્રયાગરાજમાં ત્રણ પ્રમુખોની નિમણૂક
કોંગ્રેસે રાજધાની લખનૌમાં જિલ્લા અધ્યક્ષની જવાબદારી રુદ્ર દમન સિંહને આપી છે. પાર્ટીએ પ્રયાગરાજમાં ત્રણ પ્રમુખોની નિમણૂક કરી છે. મહાનગર ઉપરાંત ગંગા ક્રોસિંગ અને યમુના ક્રોસિંગ માટે અલગ-અલગ જિલ્લા પ્રમુખોની નિમણૂક કરવામાં આવી છે. મેટ્રોપોલિટન કોંગ્રેસ કમિટીની જવાબદારી પાર્ટીના જૂના નેતા ફુઝૈલ હાશ્મીને સોંપવામાં આવી છે.
