Supreme Court : મોદી સરકાર દ્વારા લાવવામાં આવેલું વક્ફ અમેડમેન્ટ બિલ જેને રાષ્ટ્રપતિ દ્વારા પણ મંજૂરી આપવામાં આવી હતી તે હવે સુપ્રીમ કોર્ટમાં અટવાયું છે. લોકસભા અને રાજ્યસભામાં બહુમતી સાથે બિલ પસાર કરાયા બાદ તરત જ ત્રીજા દિવસે રાષ્ટ્રપતિ દ્રોપદી મુર્મૂએ મંજૂરી આપી દીધી હતી. આ બિલ કાયદો બની ગયું હતું પણ ત્યારબાદ આ કાયદાના વિરોધમાં સુપ્રીમ કોર્ટમાં અરજીઓ થવા લાગી હતી. અરજદારો દ્વારા આ કાયદો બંધારણના અધિકારોનો ભંગ હોવાનો અને બંધારણને અસર કરતો હોવાનો દાવો કરવામાં આવ્યો હતો. એઆઇએમઆઇએમના સાંસદ અસદુદ્દીન ઓવૈસી તથા કિશનગંજના કોંગ્રેસના સાંસદ મોહમ્મદ જાવેદ દ્વારા સુપ્રીમ કોર્ટમાં આ કાયદો રદ કરવા માટે અરજી કરવામાં આવી છે.
