High Level Meetings In PMO : પહલામગામમાં આતંકી હુમલા બાદ વડાપ્રધાન કાર્યાલયમાં બેક-ટુ-બેક બેઠકો ચાલી રહી છે. આ જ ક્રમમાં કોંગ્રેસના સાંસદ અને લોકસભામાં વિપક્ષના નેતા રાહુલ ગાંધી (Rahul Gandhi) આજે વડાપ્રધાન નરેન્દ્ર મોદીને મળવા માટે પીએમઓ પહોંચ્યા હતા. રાહુલ અને પીએમ મોદી વચ્ચે ખૂબ જ મહત્ત્વની બેઠક થઈ હોવાનું કહેવાઈ રહ્યું છે. બંને નેતાઓ વચ્ચે નવા સીબીઆઈ પ્રમુખની ચૂંટણી અંગે વાતચીત થઈ હોવાની ચર્ચા છે, તો બીજીતરફ બંને નેતાઓ વચ્ચે પહલગામ હુમલા અંગે પણ ચર્ચા થઈ હોવાની અટકળો ચાલી રહી છે.
