West Bengal Violence Against Waqf Act: પશ્ચિમ બંગાળના મુર્શિદાબાદ જિલ્લામાં વક્ફ કાયદાના વિરોધમાં શુક્રવારે સાંજે પોલીસ અને પ્રદર્શનકારીઓ વચ્ચે આક્રમક અથડામણ થઈ હતી. જંગીપુર વિસ્તારમાં વક્ફ વિરુદ્ધ વિરોધ પ્રદર્શન હિંસક બન્યું હતું. જેમાં મોટી સંખ્યામાં લોકો રસ્તા પર ઉતરી આવ્યા હતા અને આગચાંપીની ઘટનાઓ બની હતી. હિંસા બાદ બંગાળના મુર્શિદાબાદના બે વિસ્તારોમાં કલમ 163 લાગુ કરી દેવાઈ છે. જાહેર જગ્યાઓ પર એકઠા થવા પર પ્રતિબંધ મુકી દેવાયો છે.
